حساب البنك الأساسي

المستبعدين مالياً بشكل عام هم مواطنين مقيمين بالأردن ما إلهم حسابات بالبنك بالمرة وأصلاً يمكن يكونوا مو قادرين يفتحوا حساب بنكي عادي لأنه ما بدهم أو ما بقدروا يتحملوا مصاريفه وشروطه

الهدف الأساسي من الحساب إنه يسهل لفئات المجتمع الأردني يوصلوا ويستعملوا الخدمات البنكية، هذا راح يساعد يبني ثقافة الادخار، يحسن مستوى المعيشة وأكيد بالآخر بصب لصالح الاقتصاد ككل👌👏🥳

طب مين بقدر يفتح الحساب:ا
لبنك المركزي قال إنه البنوك لازم تفتح هذا الحساب لأي مواطن مؤهل قانونياً 👨‍👩‍👧‍👦 "يعني يكون أردني الجنسية وفوق ال 18 وما عليه قضايا 👨‍⚖️" مقيم بالأردن وما عنده أي نوع من الحسابات في البنوك الأردنية.

أهم مميزات الحساب البنكي الأساسي فممكن نلخصها ببساطة:

1- أهم اشي إنه ما في حد أدنى للرصيد، لأنه بالحسابات التانية إذا نزل رصيدك عن مبلغ معين بأي شهر رح تدفع غرامة، بس بهذا الحساب ما في حد أدنى 💵
2- إجراءات فتح الحساب كتير بسيطة وسريعة وهويتك الوطنية هي كل اللي بتحتاجوه لتفتح الحساب وبدون تكاليف
3- وزيه زي أي حساب ممكن أنك تستعمل الحساب عشان تسحب وتودع مصاري، تودع شيكات، تستفيد من الخدمات الالكترونية وتعمل حوالات وبرضو البنك بطلعلك بطاقة صراف آلي ATM. هاي البطاقة بتقدر تستخدمها لعمليات الشراء عند أي محل أو موزع عندو نطام نقاط البيع (POS)

بس شو الأشياء اللي مش متوفرة 🚫 بالحساب البنكي الأساسي؟
1- ما بتقدر توخد قروض أو تطلع بطاقة ائتمانية "كرديت كارد" 💳
2- ما بتقدر تطلع دفتر شيكات ع هذا الحساب
3- برضه ما رح تقدر توخد فائدة على المبلغ اللي بالحساب أو إنك تشترك بسحوبات الجوائز
4- في حد أعلى للرصيد اللي هو 700 دينار
5- لازم يكون الحساب بالدينار الأردنيبالأخير

 هذا الحساب هدفه إنه كل الناس بالأردن 🇯🇴 يكون عندهم فرصة ليقدروا يفتحوا حساب بالبنك وما يتم استبعاد حدا من الخدمات البنكية 💃