أفضل قرض سيارة في الأردن للقطاع الخاص (آب 2021)

أفضل قرض سيارة في الأردن للقطاع الخاص (آب 2021)

Aug 25, 2021 بواسطة AmwalCom

أقل سعر فائدة موجودة عند البنك العربي الإسلامي الدولي بعائد مرابحة 2.99% لمدة 5 سنوات كحد أقصى. طبعاً ضروري انك تحول راتبك على البنك وإذا كان التمويل أكتر من 5 سنين بتصير الفائدة 4% 

تاني أحسن قرض سيارة في الأردن حالياً حسب سعر الفائدة هو من مصرف الراجحي. سعر الفائدة 2.75% بس مهم تعرف إنه هاي الفائدة بعطيك ياها البنك إذا مولت لمدة سنتين بس.
إذا بدك تمويل أكتر من سنتين رح تزيد الفائدة عليك..مثلاً رح تصير 3.25% إذا كان القرض من 3 - 5 سنوات و 4% إذا كان القرض بين 6 - 8 سنوات
الأسعار فوق هي في حالة إنك حولت راتبك على البنك بس إذا ما بتقدر تحول راتبك رح يكون التمويل بس ل 5 سنوات وبفائدة 4% 
إشي مهم تعرفه إنه مصرف الراجحي ممكن يمول موظفين الشركات الخاصة غير المعتمدة عند البنك بس لازم يكون رتبهم أكتر من 500 دينار (بدل 350 دينار في حال اعتماد الشركة)

تالت أقل فائدة في الأردن لقروض السيارة هي من بنك صفوة الإسلامي وبتوصل ل 3.25% إذا كان التمويل ل 5 سنوات وكانت شركتك معتمدة عند البنك
إذا كانت شركتك معتمدة وبدك التمويل بين 5 - 7 سنين رح تصير الفائدة 3.75% وما تنسى إنه بنك صفوة ممكن يمولك إذا كانت شركتك مو معتمدة عندو بس سعر الفائدة بصير 4.25% ل 5 سنين و 4.75% ل 7 سنين
أقل راتب بقبل في بنك صفوة هو 400 دينار للشركات المعتمدة و 500 دينار للشركات المش معتمدة ولازم تحول راتب على البنك إذا بدك القرض

البنك العربي عامل حملة حالياً بتقدر تحصل سعر فائدة 3.5% للسيارات الجديدة و 3.75% إذا كانت السيارة مستعملة
البنك بمولك لحتى 6 سنوات للسيارة الجديدة و 5 سنوات إذا السيارة مستعملة
ما تنسى إنه البنك العربي ممكن يمول الشركات المو معتمدة بس لازم تحول راتبك على البنك وما يكون راتبك أقل من 400 دينار

خامس أحسن فائدة هي من كابيتال بنك وبتكون 3.5% للسيارات الجديدة و 4% للسيارات المستعملة
الكابيتال بنك بقبل إنه ما تحول راتبك على البنك وإنه شركتك ما تكون معتمدة بس راتبك ما لازم يكون أقل من 500 دينار وبمول لفترة 6 سنوات كحد أقصى

بالمجمل قبل ما يتوافق على طلبك لازم تثبت دخلك ويكون راتبك خاضع للضمان ويكون مضى على الأقل 6 شهر على تعيينك. غير هيك لازم تتأكد إنه راتبك بقدر يستحمل القسط الشهري وما يكون عليك قضايا أو تعثرات مالية

إقرأ المزيد
أفضل قرض سكني للقطاع العام (حزيران 2021)

أفضل قرض سكني للقطاع العام (حزيران 2021)

Jun 15, 2021 بواسطة AmwalCom

إذا كنت موظفاً في القطاع العام الأردني وتبحث عن قرض سكني فإن نسبة الفائدة التي قد تحصل عليها... إقرأ المزيد